Бидний тухай
Захирлын мэндчилгээ
Манай цахим хуудсанд морилон саатаж буй эрхэм танд ӨҮ ЖИ ФАМИЛИ ХОЛДИНГ ХХК-ийн хамт олны өмнөөс мэндчилж байна.
Манай байгууллага анх 2010 онд байгуулагдсан цагаасаа хойш олон улсын стандарт болох ISO, HACCP гэх мэт шаардлага хангасан бэлтгэн нийлүүлэгчдээс, Монгол улсыхаа ард иргэд хүүхдүүдэд шинэлэг дэлхийн зах зээлд тэргүүлж буй амттан, хүнсний бүтээгдэхүүнийг хүргэхийг зорьж ирсэн билээ. Манай хамт олон энэхүү эрхэм зорилгодоо хүрэхийн тулд олон улсын хэмжээнд хүлээн зөвшөөрөгдсөн томоохон үйлдвэрлэгчдээс шууд импортлож, өөрийн чанарын стандартыг хангасан хүнсний агуулахдаа хадгалж, хүнсний бүтээгдэхүүн зөөвөрлөхөд зөвшөөрөгдсөн авто машинаар тээвэрлэж хэрэглэгчид хамгийн ойр хүргэхийг зорьж ажиллаж байна. Дэлхийн өндөр хөгжилтэй улс орнуудаас бид чихэр, жигнэмэг, ундаа, жүүс зэрэг амттан бүтээгдэхүүнүүдийг Монгол улсад албан ёсны дистрибьютер эрхтэйгээр импортлон гадаад худалдааны чиглэлээр үйл ажиллагаагаа амжилттай явуулж байна. Манай компанийн импортын бараа бүтээгдэхүүнүүд нь дэлхийн зах зээлд хүлээн зөвшөөрөгдсөнөөс гадна Монгол улсад хүнсний бараа бүтээгдэхүүнийг импортлоход тавигддаг стандарт шаардлагуудыг бүрэн хангасан, дээд зэргийн амт чанартай, өнгөлөг сав баглаа боодолтойгоор үйлдвэрлэгчээс шууд нийлүүлэгддэг. Бид нийслэл Улаанбаатар хот болон 21 аймгийн зах зээлийг бүрэн хамарч, худалдаа үйлчилгээний бүх сувагуудын харилцагч нартаа борлуулалтын мэргэжлийн баг хамт олноороо дэвшилтэт технологи , програм хангамж, каталоги танилцуулга ашиглан захиалга авч, хүргэлт, нийлүүлэлтийн цогц үйлчилгээг үзүүлэн ажиллаж байна.
Хүндэтгэсэн, Ерөнхий захирал О.Ганзориг
Танилцуулга
Өү жи фамили Холдинг ХХК нь 2010 онд үүсгэн байгуулагдсан бөгөөд дэлхийд хүлээн зөвшөөрөгдсөн эрүүл, шинэлэг, чанартай олон улсын стандартад нийцсэн хүнсний бүтээгдэхүүнийг Монголын зах зээлд үйлдвэрлэгчээс албан ёсны эрхтэйгээр импортлон хэрэглэгчдийн гарт хүргэн ажилладаг. Эдүгээ бид нэг толгой компани болон 7 охин компанийн бүтэцтэйгээр үйл ажиллагаагаа улам өргөжүүлэн тэлж ISO 9001:2015 чанарын менежментийн тогтолцоог нэвтрүүлэн амжилттай ажиллаж байна.
Охин компаниуддаа бизнесийн стратегийг төлөвлөх гадаад харилцааг өргөжүүлэх, бараа бүтээгдэхүүний нэр төрөл татан авалтыг нэмэгдүүлэх, маркетинг борлуулалтын үнийн бодлогыг тодорхойлох, санхүү удирдлагаар хангах, хөрөнгө оруулалт хийх, хүний нөөцийн бодлого төлөвлөлтийг хэрэгжүүлэх, тав тухтай ажлын байраар хангах зэрэг менежментийн цогц үйлчилгээг үзүүлж байна. Манай компани өөрийн эзэмшлийн Монгол Улсын стандартад нийцсэн хүнсний бараа бүтээгдэхүүн хадгалах зориулалтын агуулах, аюулгүй байдлыг бүрэн хангасан авто граж, авто машины засвар үйлчилгээний комплекс, тав тухтай орчин үеийн шийдэл бүхий 4 давхар оффисын барилгатай үйл ажилллагаа явуулж байна.
Дэлхийн өндөр хөгжилтэй улс орнуудаас чихэр жигнэмэг ундаа жүүс зэрэг амттан болон өргөн хэрэглээний хүнсний бүтээгдэхүүнүүдийг монгол улсыад албан ёсны дистрибьюьтер эрхтэйгээр импортлон шууд үйлдвэрлэгчээс Монголын зах зээл рүү нийлүүлдэг. Бид өнөөдрийн байдлаар 20 гаруй улсаас 50 гаруй брендийн 300 нэр төрлийн бараа бүтээгдэхүүнийг импортлон , харилцагч хэрэглэгч нартаа борлуулалтын захиалгат бараа бүтээгдэхүүнийг түгээлтийн мэргэжлийн баг хамт олон стандартын дагуу зориулалтын тээврийн хэрэгслээр хүргэж үйлчилж байна.